دعوه فرح من عريس عصبى شويه

teenwolf الإثنين ديسمبر 08, 2008 12:29 am

الزفت اللي حييجى ميتأخرش ....

واللي مش جاي في ستين داهية ...

والعيال.. الصغيرة يتخمدوا فى البيت.....

و اللي حتجيب موبيل بكاميرا هفقع عينيها ....

عشا مفيش ، اطفحوا في بيوتكوا .. كفايه اللي دفعته للموكوسه العروسه....

اللي تمد ايدها عالتورته هقطعهالها .. حلي في البيت ياختي .. منتو زي القطط تكلوا وتنكروا ....

الرقص ممنوع .. الضحك بصوت ومن غير صوت ممنوع .. تقعدي مكشره وتحترمي نفسك....

ترغي مع اللي جنبك أكسر لك سنانك جوه فـمّك ....

واللي هيضرب نار هبلغ عنه ......

اللي يجي يتنيل ويجي لوحده ويجبش اي حد معاه .... نظام اجيب اصحابي ومش عارف ايه ممنوع

واللي هيجيب واحد صاحبه هعلقه علي باب الفرح

اللي يطلع يباركلي في الكوشه يسلم باديه وخلاص

نظام البوس والصور ده مبحبوش ...... واللي هيجيب كاميرا علشان يتصور معايا هكسرها علي دماغه

الكلام اياه اللي بعد الفرح وهو العروسه أحلى من العريس ... والخ الخ ... تبطلوه لحسن اعزمكوا عالطلاق .. وهي بنتكوا وانتوا حُرّين....

بس عارفين الحق مش عليكوا الحق عليا انا اللي عزمت اشكلكوا في الفرح

ناس تخاف متختشيش

**captainABDEEN** الثلاثاء ديسمبر 09, 2008 12:39 am

والله انا سمعتها قبل كده الحاجات دى بس عموما هى جامده جدا واشكرك على النكت الفظيعه دى
وياريت لو عندك ملفات صوتيه للنكت دى او اى نكت تانيه ابقى ابعت قول لى او ارفعها على المنتدى
وكتر الف خيرك

دعوه فرح من عريس عصبى شويه

دعوه فرح من عريس عصبى شويه

رد: دعوه فرح من عريس عصبى شويه